काठमाडौँ। यती एयरलाइन्सको आइतबार भएको दुर्घटनालगत्तै नेपालमा उड्ने सबै एटीआर जहाजको प्राविधिक परीक्षण गरिएको छ।
नेपाल नागरिक उड्डयन प्राधिकरणले सोमबार प्रेस विज्ञप्ति जारी गर्दै सबै एटीआर–४२ र एटीआर–७२ जहाजको विस्तृत प्राविधिक परीक्षण गरिएको तथा जहाजमा कुनै प्राविधिक त्रुटि फेला नपरेको जनाएको छ। कुनै पनि वायुयानको नियमित उडान योग्यताका लागि दैनिक गरिने निरीक्षण, पूर्वउडान निरीक्षण र सेड्युल निरीक्षणजस्ता मर्मतसम्भारका कार्य अन्तर्राष्ट्रिय नागरिक उड्डयन सङ्गठनको मापदण्ड तथा सिफारिस एवं वायुयान निर्माता कम्पनीको मापदण्डबमोजिम गर्ने गरिएको प्राधिकरणले प्रष्ट गरेको छ।
यो खबर पढेर तपाईलाई कस्तो महसुस भयो ?
+1
+1
+1
+1
+1
