पिपिरा चोकमा मोटरसाईकल दुर्घटना हुँदा एक जनाको मृत्यु

सुर्खेत। सुर्खेतको वीरेन्द्रनगर- ११ पिपिरा चोकमा मोटरसाईकल दुर्घटना हुदाँ एक जनाको मृत्यु भएको छ। धुलियाबिटबाट बजार तर्फ आउदै गरेको भे ७ प ७७४६ नम्बरको मोटरसाईकल पिपिरा चोकमा दुर्घटना भएकाे हो।

पिपिरा चोकमा रोकेर राखेको कर्णाली प्रदेश ०२०० प ४००४ नम्बरको स्कुटरलाई ठक्कर दिदा मोटरसाईकल चालक सुर्खेतको वीरेन्द्रनगर नगरपालिका – १२ का ४१ बर्षका धर्मदत्त सापकोटा गम्भीर घाइते भएका थिए।

टाउको र छातीमा चोट लागेका उनलाई उपचारको लागी कर्णाली प्रदेश अस्पताल कालागाँउ सुर्खेतमा लगिएको थियो। उपचारको क्रममा उनको आज मृत्यु भएको कर्णाली प्रदेश प्रहरी कार्यालयले  जनाएको छ।