पाल्पा। पाल्पा जिल्लाको माथागढी-२, सपाङ्दीमा ट्याक्टर दुर्घटना हुँदा एक जनाको मृत्यु भएको छ। दुर्घटनामा परी पाँच जना घाइते भएका छन्।
सोमबार बेलुकी ५ बजेतिर बाँसटारी-झडेवा सडक खण्डको झडेवाबाट रुप्सेतर्फ आइरहेको लु ४ त ६६३२ नम्बरको ट्याक्टर अनियन्त्रित भई दुर्घटना हुँदा माथागढी २, दोहोरा बस्ने ३८ वर्षका वेदप्रसाद भुसालको मृत्यु भएको प्रहरीले जनाएको छ। भुसालको तानसेनस्थित लुम्बिनी मेडिकल कलेज प्रभासमा उपचारको क्रममा मृत्यु भएको प्रहरीले जनाएको छ।
दुर्घटनामा परी माथागढी-२, का गीपबहादुर सारू, गोविन्द बहादुर थापा, नर ध्वज सारू, सरोज सारू र टोपबहादुर सारू घाइते हुनुभएको जिल्ला प्रहरी कार्यालय पाल्पाका सूचना अधिकारी वीरेन्द्र थापाले जानकारी दिनुभयो । घाइतेहरूको लुम्बिनी मेडिकल कलेजमा उपचार भइरहेको छ।
यो खबर पढेर तपाईलाई कस्तो महसुस भयो ?
+1
+1
+1
+1
+1
