सुर्खेत। सुर्खेत वीरेन्द्रनगरको घण्टाघर चोक नजिक गएराती मोटसाइकलले ठक्कर दिँदा एक महिलाको मृत्यु भएको छ।
मोटरसाइकलको ठक्करबाट मृत्यु हुनेमा वीरेन्द्रनगर नगरपालिका ११ बस्ने बर्ष ५० कि टिका सुनार रहेको जिल्ला प्रहरी कार्यालय सुर्खेतका डिएसपी लक्ष्मण शाहीले जानकारी दिए। उनका अनुसार गएराती अन्दाजी ११ बजेतिर मोटरसाइकलले उनलाई घण्टाघर चोक नजिक ठक्कर दिएको थियो।
दुर्घटनामा चालक पनि घाइते भएकोले उनको कर्णाली प्रदेश अस्पतालमा उपचार भइरहेको छ। साथै मोटरसाइकल प्रहरीले नियन्त्रणमा लिएर अनुसन्धान गरिरहेको छ।
यो खबर पढेर तपाईलाई कस्तो महसुस भयो ?
+1
+1
+1
+1
+1
